Belgrad

33 Johr Hienerauge

D'Hienerauge sin an Uffahrt 2009 no Belgrad gflooge.

Zer Verstärgig hänn si 3 Kamerädli vom Dupf-Club Basel mitgnoh, 2 Tambure und 1 Pfiffer.

Kuum sin sie dert aakoh, hänn sie e Empfang in dr Schwizer Botschaft deerfe gniesse. Sie hänn im Herr Botschafter Hofer Griess vom Fasnachtscomité und sogar vom Regierigsroot Basel deerfe überbringe.

No däm offizielle Dail, hänn sie bi herrligschtem Wätter im Gaarte vo dr Botschaft Apéro um Apéro gnosse. Me sait, sit denn sig dr Gin-Tonic bim Herr Botschafter Hofer nur no rationiert abgäh worde.

Dr näggschti Daag hett denn die Grubbe e Erläbnis gha, wie’s sälte wieder wird gäh….

Vor viele Johr isch im Ex Jugoslawie no e Keenig gsi, wo deert regäntet het. Bald aber isch durch Krieg und Revolutione d’Monarchie abgesetzt worde. Sit em Johr 2000 sin dr Kronprinz Alexander II. von Jugoslawien und sini griechischi Gattin Prinzässin Katharina Claire Batis aber wieder zrugg in Belgrad und läbe im ehemoolige Königspalascht. D’Hienerauge hän e offizielli Fierig dur dä Palascht biko. Noch ere glaine Erfrischig im Hof, sin die zwanzig Schwizer in e prächtige Saal gfiert worde und hänn e offizielle Empfang durch dr Prinz Alexander und si Gattin d’Prinzässin Katharina erfaahre.

No däm Daag sin d’Hienerauge aber no nit fertig gsi mit ihrem randvolle Programm.

Am Samschtig isch denn ihre Höhepunggt aagschtande, si sind nämmlig koschtümiert und als wunderbar Zygli durch d’Innestadt vo Belgrad zooge. D’Lyyt sin hell begeischteret gsi vo däre Fasnachtsgrubbe. Reporter vo zwei Daageszytige hänn sie begleitet und derno au grad in alle Tageszyytige präsentiert. Au dr Herr Botschafter isch ko go luege.

Denn sin alli zämme zem 1. Staatsfärnseh vo Belgrad gfiert worde und ….es isch unglaublig...hänn dört grad e Liveufftritt am Färnseh gha.

Mehr gits unter: http://www.rts.rs/page/tv/sr/story/20/RTS+1/62273/Vi+i+Mira+Adanja++Polak.htmlI

 

 in Klote bym Ytschegge

s Hotel

Empfang uf dr Schwyzer Botschaft

Donnschtig Zobe im Skadarlija

Frittig Morge - Sightseeing

Belgrad diverse_10  Belgrad diverse_11

Audiänz im Königspalascht

Belgrad diverse_7  Belgrad diverse_6

Insel Ada Ciganlija

Belgrad diverse_3  Belgrad diverse_4  Belgrad diverse_5

Nachtässe im Grand Casino

Dr Umzug am Samschtig dur d'Knez Mihailova

Färnsehufftritt

Belgrad diverse_8  Belgrad diverse_9

Nachtässe im Kafanica

Was mer alles gässe hän

Wider am Flugplatz

Belgrad diverse_2  Belgrad diverse_1

 

 

 

 

 

Zusätzliche Informationen